Х.Бадамгэрэлийн амжилт

Хүүгээ төрүүлээд хэдхэн сар болоод загварын тайзнаа эргэн ирж, “Гоёл” наадмын топ моделиор шалгарч, олны магтаал, шүүмжлэлийн аль альныг нь хүртэж байсан мисс Х.Бадамгэрэл өөрийн онцлох гурван амжилтаа тодорхойлжээ.

Тэрбээр “Миний ажил, амбиц 10 жилийн турш үргэлжилж цаашид ч улам бэхжих хүсэл сонирхлын минь баталгааны томоохон төлөөлөл болсон гурван амжилт минь.

• "Miss Mongolia 2009"  - Тэргүүн мисс
• "Vision Top Model" - 2011
• "Гоёл 2015" - Топ модел

Цаг хугацаа, хүсэл зорилго, чадвар, хүч хөдөлмөр гээд олон зүйлийг шаардаж, шүүмж доромж, магтаал зэмлэл, шахалт дарамт, хайр гээд бүхий л мэдрэмжүүд надад мэдрэгддэг. Гэхдээ миний сонголт тул эзэн нь байна. Миний сонголт тул ажлаа ч амьдралаа ч амжуулна. Эмэгтэй хүнд тийм байгалийн зөн мэдрэмж илүү хүчтэй байдаг” хэмээжээ.