Жүжигчин Б.Амараа эрэлттэй байна

Холливуудад хөл тавьж, “Марко поло” киноны 1, 2-р ангид Ариг бөхийг дүрийг бүтээсэн Соёлын тэргүүний ажилтан, жүжигчин Б.Амарсайхан сүүлийн үед эрэлттэй байна. Тэрбээр  өнөөдөр нийслэлийн Баянзүрх дүүргийн Засаг даргын Тамгын газрын ажилтан, албан хаагч залуустай уулзаж,  Монголын кино урлагийн түүх болон холливуудын алдарт жүжигчид, тэдний түүхэн амьдрал, уран бүтээлийн талаар сонирхолтой яриа өрнүүлсэн байна.

Жүжигчин Б.Амарсайхан Тамгын газрын залуучуудад хандан зорилгодоо үнэнч, тууштай байхыг уриалжээ. Мөн өөрийн туулж өнгөрүүлсэн амьдрал, эзэмшсэн мэргэжлийнхээ эзэн нь болохын төлөө хэрхэн сурч, боловсорч, хүсч тэмүүлж байсан тухайгаа мөн хуваалцсан байна.