С.Жавхлангийн ээлжит дуэль

МУГЖ дуучин С.Жавхлан өчигдөр орой МҮОНТ-ээр шууд ярилцлаганд орох үеэрээ Монгол Улсын ерөнхийлөгчийг халз мэтгэлцээнд урилаа.

Хэдхэн хоногийн өмнө тэрээр мөн “Төр буруутай юу, Түмэн олон буруутай юу” халз мэтгэлцээнийг зохион байгуулахаар Ерөнхийлөгч, УИХ-ын дарга, Ерөнхий сайд нарыг урьсан ч амжилт олоогүй юм. Харин тэрээр энгийн нэгэн байгууллагад ч дотоод дүрэм, журам гэж байдгийг мэддэггүй юу, эсвэл тэгж угаас муйхарлан дайрдаг нэгэн үү. Ямартаа долоо хоногийн өмнөөс нэвтрүүлгийн цаг авах асуудлыг тавих ёстой ч маргааш буюу “Энэ сарын 25-нд цаг гаргаж өгөх”-ийг шаардсан юм.

Түүний хэлж, ярьж буй нь нэг талаар зөв мэт боловч төрийн тэргүүнтэйгээ мэтгэлцэх, ярилцахыг зүгээр нэг хэрүүл мэтээр ойлгож байгаа мэт аашилж, сэтгүүлчийн “Танд тэгвэл ямар гарц байна” гэсэн асуултад “Оюутолгойгоо биш оюунтай толгойгоо ухах” гэдэг ганцхан өгүүлбэрийг л давтан өгүүлж байлаа.