Д.Ариунцэцэг агентлаг байгуулна

Монголдоо чадалтай чансаатай бизнесмэнүүд эх орондоо гадаадын нэр хүндтэй гэгдэх бараг бүхий л брендүүдийг авчирч худалдаалдаг. Аманд ч багтамгүй үнэ өртөгтэй эдгээр бренд бүтээгдэхүүнүүд ядуу гэгдэх Монголын зах зээлд харин ч нэг гүйлгээтэй байдаг нь нууц бишээ. Харин алтны магнат Ц.Мянганбаяртай хайрын романс үүсгэж хүүхдийг нь төрүүлсэн мисс Д.Ариунцэцэг, мөнгөтэй эрхмүүдээс тэс өөрөөр сэтгэж Сингапур улсад Монгол бренд хувцас, эдлэлийн дэлгүүр нээн, үйл ажиллагаагаа явуулсаар удаж байгаа. Тэгвэл Д.Ариунцэцэг загварын агентлаг нээхээр болжээ. Тэрээр энэ удаад ирээдүйн загвар өмсөгчдийг бэлтгэхээр шийджээ. Мөн агентлагаа охиндоо зорулсан бөгөөд охиныхоо нэрээр нэрлэх гэнэ.