Чехэд зоогийн газар гал нээж найман хүн амь үрэгдэв
Чехийн Угерски-Брод хотын “Дружба” зоогийн газарт зэвсэглэсэн этгээд гал нээснээр найман хүн амь алдсан хэрэг мягмар гарагт гарчээ. Чехийн телевизийн мэдээлснээр өөр бас хэд хэдэн үйлчлүүлэгч шархадсан байна. Гэрчүүдийн хэлж байгаагаар хөх өнгийн урт хүрмэн дороо буугаа нуусан зэвсэгт этгээд үдийн цайны цагаар дайран орж ирэх үеэр тэнд 20 хүн сууж байжээ. Гэмт этгээд хоёр ч буугаар эмх замбараагүй галлаж нийтдээ 25 сум гаргасан байна. Зарим хүний хэлснээр бол зоогийн газарт хэд хэдэн удаа дэлбэрэлт болсон гэжээ.
Гал нээсэн этгээд тус хотын иргэн 60 орчим настай, магадгүй сэтгэцийн өвчтэй байж болох хүн байсан хэмээн Угерски-Брод хотын дарга Кунчар мэдэгдсэн байна.
Угерски-Брод хот нь Чехийн зүүн өмнөд нутаг Өмнөд Моравид оршдог 16 мянгас хэтрэхгүй хүн амтай жижиг хот юм байна.
Орчин цагийн мэргэжлийн урлагийн ууган байгууллага-Улсын драмын эрдмийн театрын 95 жилийн ой тохиож байна
Цагдаагийн байгууллагад зөрчлийн шинжтэй 749, гэмт хэргийн шинжтэй 123 дуудлага, мэдээлэл бүртгэгджээ
Худалдааны салбарын борлуулалтын орлого энэ оны эхний 9 сард өмнөх оны мөн үеэс 12.6 хувиар өсжээ
Цаг агаарын аюултай үзэгдлээс сэрэмжлүүлж байна!
Ерөнхий сайд Өмнөговь аймгийн удирдлагуудад хуулийн хэрэгжилт хангуулах хугацаатай үүрэг өглөө
Гэрч, хохирогчийг хамгаалах тухай хуулийн төслийг УИХ-д өргөн мэдүүлнэ
Г.Тэмүүлэн: Шүгэл үлээгчийг хамгаалах тогтолцоог бүрдүүлж, амь нас, эрүүл мэндэд халдсан, эсхүл халдах эрсдэл үүссэн бол нэн даруй хамгаалалтад авна