Ц.Мянганбаяр 480 тэрбумын өртэй

“Монгол газар” ХХК-ийн захирал Ц.Мянганбаяр өнгөрсөн сард дампуурлаа зарласан.Тэрбээр үүргээ биелүүлж чадахгүй болсныг өөрөө мэдэгдэж дампуурлын хэрэг үүсгэх тухай хүсэлт гаргасан. Түүний хүсэлтийг Дүүргийн Иргэний хэргийн анхан шатны 2 дугаар шүүхийн шүүгчийн 2014 оны наймдугаар сарын 11-ний өдрийн захирамжаар Дампуурлын хэрэг үүсгэж энэ оны нэгдүгээр сарын 2-ны өдрийн захирамжаар “Монгол газар”ХХК-ийг төлбөрийн чадваргүйд тооцсон байна. Тус компанийг татан буулгах эсвэл хөрөнгөжүүлэх эсэх асуудлыг шүүх анхан шатны хурал өчигдөр болох байсан ч энэ 17-ныг хүртэл хойшлууллаа. Шүүх хуралд “Монгол газар” компанийн төлөөлөл ирэх боломжгүй болсон тул хугацааг түр хойшлуулсан байна. Мөн түүнчлэн тус компанийн захирал Ц.Мянганбаяр шүүх хуралд өөрийн биеэр оролцохоос татгалзаж, төлөөлөгчөө оролцуулахаар болжээ.Хамгийн сүүлд л гэхэд 480 орчим тэрбум төгрөгийн нэхэмжлэл ирсэн байна.