НБА-гийн гарааны холбогч Монголд ирлээ

Үндэсний супер лигийн багуудад ирж буй тоглогчдын чансаа жилээс жилд нэмэгдсээр байгаа билээ. Энэ удаа НБА-гийн 17 удаагийн аварга алдарт Лейкэрс багийн үндсэн холбон тоглогчоор 2 улирал буюу 2005-2006 оны улиралд 82 тоглолтонд бүгдэд нь, 2006-2007 онд 82 тоглолтоос 80 тоглолтонд гарааны үндсэн холбон тоглогчоор Коби Брайнтын хамтаар хүчин зүтгэж талбай дээр дунджаар 38 минут тоглон 11,5 оноог дунджилж байсан холбон тоглогч Смаш Паркер Монголд ирлээ.

Түүнийг Монголд ирж Үндэсний супер лигт тоглоно хэмээхэд олон хүн итгэхэд бэрх мэдээ, бараг итгэхгүй байсан гэхэд хилсдэхгүй болов уу. Тэгвэл тэрээр өнөөдөр өглөө 7.30 минутанд Чингис хаан ОУНБ-д газардлаа. Смаш Паркер болон Коби Брайнт нарын хоорондын харилцааны талаар өнгөрсөн жил Дэлхий даяар шуугиад амжсан.

Ямар ч байсан НБА-гийн гарааны холбогч Монголд ирлээ!!

Тэрээр Үндэсний супер лигийн Мадимос Шонхорууд багт Азийн шилдэг 3н тоглогчийн нэг ОУХМ Т.Санчирын хамт хүчин зүтгэх ба маргааш буюу Ням гарагт 15.00 цагаас Буянт-Ухаа спортын ордонд анхны тоглолтоо Увс Эрдэнэдрийлинг Ригс багийн эсрэг хийнэ.