Б.Амарсайхан Эх орондоо ирлээ

Монгол жүжигчин Америкийн кинонд тоглож байгаа гэх мэдээлэл монголчуудын анхаарлын төвд нилээд хугацаанд байсан. Холливудыг зорих болсон тухай мэдээллийн гол эзэн Соёлын тэргүүний ажилтан, жүжигчин Б.Амарсайхан арвахоёрдугаар сарын 2-нд болсон “Марко поло” киноны нээлтэнд гэргийн хамтаар оролцож, Монгол дээл, Монгол хүн гэдгээрээ гангарч дэлхийн оддуудын нүдийг ёстой л бүлтийлэгсэн гэвэл буруудахгүй болов уу.  

Тэгвэл Нью-Йорк хотноо нээлтээ хийсэн “Нэтфликс” Америкийн телевизийн “Марко поло” олон ангит кинонд Ариг бөхийн дүрд тоглосон Б.Амарсайхан эх орондоо газарджээ. Түүнийг эх орондоо газардах үеэр ээж нь мөнгөн аягатай сүү, ерөөлийн үгээр угтсан юм.

Сонирхуулахад “Марко поло” олон ангит кино арвахоёрдугаар сарын 12-оос эхлэн кино сонирхогчдын хүртээл болсон юм.

Э.ТЭКҮ