“MaxMall” их дэлгүүрийн гацуур унажээ

Өчигдөр орой “MaxMall” их дэлгүүрийн гадна зассан сүлд мод авто зогсоол дээр зогсож байсан "Порше" маркийн автомашин дээр унаж, хувь хүний өмчийг багагүй гэмтээжээ. Тус дэлгүүрийн өмнө зассан сүлд модыг “Хазайчихсан байна, хүний дээрээс унах вий дээ” хэмээн нэгэн иргэн утсаараа зургийг нь дараад, олон нийтийн сүлжээгээр сэрэмжлүүлэг болгон цацаж байсан юм.

Шинэ он солигдох мөч ойртож буй энэ өдрүүдэд томоохон худалдааны төв болон албан байгууллагууд гаднаа нүсэр том гацуур засч, чимэглэдэг уламжлалтай. Иргэд ч эдгээр модны дор дурсгалын зургаа татуулах дуртай байдаг. Тиймээс гурван метрээс дээш өндөртэй сүлд модыг гаднаа зассан байгууллагууд аюулгүй байдлаа эргэж нэг харахад илүүдэхгүй болов уу.

М.АМАРЖАРГАЛ 

Гэрэл зургийг sanaatai_gar гэсэн твиттер хаягаас ашиглав.