Гишүүд зогсоолоо өмчирхөв

Төрийн ордонд буй гишүүд автомашины зогсоолоо өмчилж авахаар шийдсэн бололтой. Ордны хоёр талын зогсоолын нэг талыг нь бүгдийг нь УИХ-ын гишүүдэд л зориулах болсноо энэ долоо хоногоос хэрэгжүүлж эхлэхээр болсон нь нэг талд нь түгжрэл үүсгэж, нөгөө талдаа сул талбай үлдээжээ.  Ордонд Засгийн газар, Хэрэг эрхлэх газар, Ерөнхийлөгчийн тамгын газар, Үндэсний аюулгүй байдлын зөвлөл гээд 1000 гаруй хүн ажилладаг байтал хуралдаа ч ирж суудаггүй хэл ам таталдаг гишүүдийн машиныг зогсоолыг бэлэн байлгах хэрэг гарч.

Энэ талаар төрийн ордонд ажилладаг нэгэн нь “Төрийн ордонд 1000 гаруй хүн ажилладаг. УИХ-ын гишүүн З.Баянсэлэнгэ, Г.Уянга нарын хүсэлтээр Төрийн ордны баруун талын зогсоолыг зөвхөн гишүүдэд зориулахаар болжээ. 10 цагийн байдлаар хоёр талын зогсоол нэг иймэрхүү байна. УИХ-ын гишүүд эрхээ ямбаа эдэлж болно. Тэнд ажилладаг хүмүүсийн зогсоолыг шийдэж өгчихөөд дээрмээ хийх хэрэгтэй шүү дээ” гэсэн байна.