Оросын барби

Одесст амьдардаг Валерия Лукьянова гэдэг украйн бүсгүйг Орос, Украины олон нийтийн сүлжээний хэрэгэгчид андахгүй. Энэ бүсгүй Барби нэрээрээ алдартай. Хүүхэлдэйтэй адил болох гэж хөх томруулахаас эхлээд уруулаа гель шахуулах хүртэл маш олон гоо сайхны хагалгаа хийлгэж дуулианы эзэн болсон.

Түүнийг хүмүүс тэнэг мангараас эхлээд янз бүрээр дууддаг ч бичлэг, зургийг нь үзэх дуртай хүний тоо нэмэгдсээр ирсэн.

Гэвч сүүлийн үед Украин Барбийн рейтинг буурч магадгүй болжээ. Учир нь, Москвад амьдардаг Анжелика гэдэг шинэ Барби гарч иржээ. Анжелика Кенова гэдэг энэ бүсгүй мөн л хүүхэлдэйтэй адил болохын тулд янз бүрийн хагалгаа хийлгэсэн.  

Одоо интернэтийн орос хэлтэй хэсгийнхэн энэ хоёр Барбийг харьцуулан муулах, өөлөх гэсэн чухал ажил явуулж хэн нь илүү "мундаг" гэдгийг тодорхойлж байгаа гэнэ.