Бодибилдингийн анхны дэлхийн аварга төрлөө

Тэмцээний эхний өдөр манай тамирчдаас дэлхийн аваргын алт, мөнгөн медальтнууд төрлөө. Аваргын алтан медалийг +80 кг жингийн ангилалд оролцсон Монголын дөрвөн удаагийн аварга, Ази тивийн хошой хүрэл медальт Ж.Нурлан хүртэж анхны алтан медальтан боллоо.

Фитнесс ангилалд Азийн аваргын мөнгөн медальт Б.Хүсэлтүвшин мөнгөн медаль хүртэж мөн дэлхийн аваргын анхны мөнгөн медальтан болжээ. Өнгөрсөн наймдугаар сард Ази тивийн аваргад манай бодибилдингийн баг тамирчид оролцож медалийн хурыг буулгаад ирсэн. Дэлхийн аваргын тэмцээн энэ сарын 10-ныг хүртэл үргэлжлэх юм.

Цаашид манай олон шилдэг тамирчид өөрсдийн жингийн ангиллаа хүлээж буй. Манай тамирчид дэлхийд хүчтэй Монголын бодибилдингийн баг байна гэдгийг дахин нотлох нь дамжиггүй юм. Тамирчдадаа амжилт хүсье.