Хэнийг дэвшүүлэхийг нууц санал хураалтаар шийднэ

АН-ын бүлэг өчигдөр Ерөнхий сайдад хэнийг дэвшүүлэх асуудлаар хуралдаж Р.Амаржаргал, Ч.Сайханбилэг, Д.Ганбат нарыг нэр дэвшүүлэхээр ярьсан ч Ерөнхийлөгчтэй зөвшилцөнө хэмээн завсарласан юм. Тэгвэл бүлгийн хуралдаан дөнгөж сая Төрийн ордны А танхимд эхэллээ. Хэдийгээр нэр дэвшиж буй хүмүүсээ Ерөнхийлөгчтэй зөвшилцөнө гэж завсарласан ч өчигдөр эх орондоо ирсэн Ерөнхийлөгч Ц.Элбэгдорж  АН-ынхныг хүлээн авч уулзаагүй байна. Харин АН-ын дарга Н.Алтанхуяг Засгийн газрыг огцруулах санал өгсөн хэнийг ч сайдад нэр дэвшүүлэхгүй гэдгээ мэдэгдэж, өчигдөр бүлгийн хуралдаанаа орхин гарсан. АН-ын бүлэг Ерөнхий сайдад хэнийг сонгохоо нууц санал хураалтаар шийдэх  бололтой.