“Ганцаар амьдрагч”

Сүүлийн үед бүдүүлэг, хар амиа хичээгч жолооч нарын бусдад гай болсон үйлдлүүдийг зургаар баримтжуулаад фейсбүүк, твиттерээр хүмүүст хүргэх нь элбэг болоод байгаа. Цахим орчинд хүмүүс тэднийг шүүмжилж, хариуцлага тооцдог байгууллагуудын анхааралд өрттөл “шуугилддаг”.

Энэ удаад арай л “тасарчихсан”, өөрийгөө энэ орчлон дэлхийд орь ганцаараа амьдардаг гэж боддог бололтой нэгэн жолоочийн үйлдэл хүмүүсийн эгдүүцлийг төрүүлж байна.

“62-22 УНИ” улсын дугаартай автомашины эзэн бүхэл бүтэн байрны орцны хаалгыг онгойлгох аргагүй болтол машинаа тулгаад тавьчихаж. Энэ орцонд амьдарч буй хүмүүс ажил, хичээлдээ явах гэтэл “эргүү” жолоочийн гайгаар гарч чадахгүйд хүрчээ.