Сараа хүүхдэд зориулсан студи нээнэ

Дуучин Б.Сарантуяа хүүхэд багачуудын дууны тэмцээн болох “Гэгээн алсын одод”-ыг шүүдэг. Тэмцээнийг шүүж байх хугацаандаа хүүхэд багачуудад зориулсан дууны студи тун их хэрэгтэй байгааг анзаарчээ.

Тэмцээн уралдаанд орохын тулд дуучдын очдог олон саяын үнэтэй дууны студиэр дуугаа бичүүлэх нь бяцхан үрсэд хэцүү байгааг анзаарсан дуучин бүсгүй тэдэнд зориулсан “Мини” студи нээхээр болсон байна.

Уг студи нь харьцангуй хямд үнээр хүүхдүүдэд үйлчилж, мэргэжлийн зөвлөгөө өгөх ба дэргэдээ найрал дууны дугуйлан хүртэл ажиллуулахаар төлөвлөжээ.

Зууны манлай дуучнаар мэргэжлийн хичээл заалгах хүсэлтэй хүүхдүүдэд “Мини” студийн үүд хаалга байнга нээлттэй байх юм байна.