Цагдаа хөнөөсөн сурагчдад ял оноожээ

Өнгөрсөн оны дөрөвдүгээр сарын 2-3-нд шилжих  шөнө  Ховд аймгийн  Булган сумын  нэгэн дэлгүүрт ажил үүргээ гүйцэтгэж явсан цагдаагийн алба хаагчийн амь насанд халдсан хэрэг гарсан. Уг хэргийг тус сумын дунд сургуулийн сурагчид болох 17-19 настай Х.Сайгаш, Х.Сагарпали, Х.Хапаар нар үйлдсэн болох нь  тогтоогдсон юм. Жил тойрон шалгасны эцэст энэ сарын 2-ны өдөр хэргийг хэлэлцээд Х.Хапаарт 25 жилийн ял оноосон байна. Түүнийг өмнө нь удаа дараа хулгай хийсэн, албан үүргээ гүйцэтгэж явсан төрийн албан хаагчийн амийг хөнөөсөн гэх үндэслэлээр дээрх ялыг оноосон байна. Харин Х.Хайгаш, Х.Сапаргали нарт хоёр жилийн хорих, мөн хугацаагаар тэнсэн харгалзах ял оноожээ. Өмнө нь давж заалдах шатны шүүхээс нэмэлт мөрдөн байцаалтад буцсан уг хэргийг ийнхүү дахин шийдвэрлэлээ.