”МИНИЙ АХ АТАМАН” КИНО ҮЗЭГЧДИЙГ ЖИНХЭНЭ ”АТАМАНДАЖ” БАЙНА

Кино сонирхогчдын дунд нилээдгүй их хүлээлт үүсгээд байсан "Миний ах аматан" кино өнгөрөгч баасан гарагт энэ сарын 12-нд нээлтээ хийсэн билээ. Тэгвэл тус кино нээлтээ хийсэн даруйдаа үзэгчдийг жинхэнэ "атамандаж" чадлаа. Учир нь "Миний ах аматан" киноны билет өнгөрөгч амралтын өдрүүдэд маш их эрэлттэй байсан бөгөөд одоо ч үзэгчдийг байлдан дагуулсаар байна.

Монголын кино урлагийн салбарт шинэ өнгө төрх, шинэлэг санааг агуулсан "Миний ах атаман" нэртэй бүрэн хэмжээний Action drama жанрын уран сайхны кинон орчин үеийн кино урлагийн чиг хандлага болон адал явдал, хайр дурлал, өс хонзон зэргийг өвөрмөц өнгө төрхтэйгээр харуулсан чансаатай, жинхэнэ "атаман" бүтээл болж чадсан гэдгийг кино сонирхогчид болон үзсэн бүх хүмүүс дуу нэгтэй хэлж байгаа юм.