УИХ-ын даргын алх хаана байсан бэ?

БНХАУ-ын дарга Си Жиньпинд зориулсан УИХ-ын хүндэтгэлийн чуулганы нээлтийн үеэр УИХ-ын дарга З.Энхболд “Алх хаачив аа” хэмээн уулга алдсаныг уншигчид санаж байгаа нь лавтай.

Тэгвэл дээрх хуралдааныг нээх үеэр алх байгаагүй нь, процессын алдаа гэнэ. Уг алх гурван хүний гар дамжиж, УИХ-ын даргын ширээн дээр ирдэг аж. Харин тэр өдөр алхыг хүргэхээр явах зуур Төрийн дуулал эгшиглэж, УИХ-ын хүндэтгэлийн чуулган эхэлжээ.

Төрийн алба залгуулагсад цаг барьдагсан бол ийм алдаа гарахгүй л байсан болов уу. Түшээдийнх нь цаг барьдаггүй, хуралдаа цагтаа ирдэггүй муйхар зан төрийн алба хашигсадад ч ийн халдварлаа юу гэлтэй.