Анорекситэй бүсгүй бодигоор хичээллэх болжээ

Охид, бүсгүйчүүдэд зориулсан загварын элдэв сэтгүүл энэ тэр үзсээр байгаад тэнд гардаг туранхай загвар өмсөгч, моделиуд шиг харагдах моод нэгэн үе тахал мэт дэлгэрсэн.

Ингээд хөөрхий, охид бүсгүйчүүд хоолоо сойж өөрийгөө зовоож эхлэв. Олон хоног дараалан хоол идэхгүй, хүний биед шаардлагатай тэжээлийн бодисын хурц дутагдалд ороод ирэхээр хүн аяндаа хоол идье ч гээд идэж чадахгүй, идсэнээ шингээч чадахгүй болж тураалын туйлд хүрдэг.

Нэг ёсондоо хоолны талаар сөрөг төсөөлөл сэтгэхүйд нь үүсдэг, хоолонд дургүй болох, хоол идэх дуршил нь арилдаг сэтгэцийн хүнд өвчин.

Энэ өвчнийг анорекси гэдэг. Сэтгэцийн эмчийн туслалцаа яаралтай авч эмчилгээ хийгээгүй тохиолдолд анорексигээр өвдсөн охид, бүсгүйчүүдийн дийлэнх нь нас бардаг.

Энэ зураг дээр байгаа орос охин анорексигаар өвдөөд тураалын туйлд хүрсэн ч гэлээ сэтгэцэд нь нэлээд том өөрчлөлт гарсан бололтой хоол иддэггүй атлаа бодибилдингээр хичээллэж эхэлжээ. Үр дүнг нь тааж ядах юмгүй.