Улсын арслан Н.Батсуурь байраа хандивлахгүй гэнэ

Тулгар төрийн 2223, Их Монгол Улсын 808, ардын хувьсгалын 93 жилийн ой, Үндэсний их баяр наадмын Хүчит бөхийн барилдаанд нутаг нутгийн хүчтэн 512 бөх зодоглосноос  Увс аймгийн Ховд сумын харьяат “Увс нуур” дэвжээний бөх улсын харцага Н.Батсуурь түрүүлсэн билээ. Улсын шинэ арслан болж Н.Батсуурьт “Химон констракшн” компаниас ирэх онд ашиглалтад орох “Sunshine village” хотхонд зургаан өрөө байр бэлэглэж эрхийн бичгийг нь өчигдөр гардуулан өгсөн. Харин түүнийг шинэхэн байраа зарж “Эх нялхсын” Сэхээн амьдруулах тасагт хандивлахаар болсон талаар цахим ертөнцөөр тарсан юм.  Тэгвэл шинэ арслан энэхүү мэдээллийг эрс няцаалаа. Тэрээр “Би тийм зүйл яриагүй. Миний нэр хүндэд ингэж халдаж болохгүй шүү дээ. Ямар хүмүүс ийм цуу яриа тараагаад байгааг мэдэхгүй байна” гэв.