Ерөнхий сайдын мисс гэргий

Сүүлийн үед хэн хэнээс салж, хэнтэй сууж байгаа нь олны анхаарлын төвд байдаг болжээ. Түүгээр ч барахгүй Монгол Улсын төрийн жолоог атгаж яваа эрхэм улстөрчид хэрхэн биеэ засаад гэрээ зассаныг ихээхэн сонирхож буй. Уг нь учир мэдэх хөгшчүүд маань “Биеэ засаад гэрээ зас, гэрээ засаад төрөө зас” хэмээн сургадаг. Монгол Улсын Ерөнхий сайд Н.Алтанхуяг. Түүний одоогийн эхнэрийг Х.Сэлэнгэ гэдэг. Монгол Улсын маань төрийн өндөрлөгийн ар талыг дааж, бас ч гэж улс эх орны маань нүүр царай болж яваа эмэгтэй. Гэхдээ хатагтай Х.Сэлэнгэ нь Н.Алтанхуяг даргын хоёр дахь эхнэр гэнэ билээ. Бас гурван охин төрүүлж өгсөн буянтан. Харин Ерөнхий сайдын маань экс эхнэрийг Ганчимэг гэнэ. Хэдийгээр экс хэмээн хэлэгдэж байгаа ч Ганчимэг нь Ерөнхий сайдтай эв найртай байж, хүүхдүүдийнхээ төлөө маш их санаа тавьдаг, халамжтай, сайн ээж гэсэн шүү.