ҮНДСЭРХЭГ РЕППЕР ҮНЭХЭЭР ӨЛСӨЖ ДЭЭ

Сүхбаатарын талбайд болсон Экотон шоуны үеэр реппер Gee бидний папараци дуранд дахиад л өртлөө. Монголын үндсэрхэг үзэлт төдийгүй “догшин” реппер маань шоуны үеэр фен олонтой гэдэг нь анзаарагдаж байлаа. Гэр хороололд өссөн гэдгээ нуух нь битгий хэл дуундаа тунхаглан G хэмээх хорооллынхныг “гаргаж ирсэн” реппер залуу хээ хаагүй жирийн л нэгэн гэдгийг нь “100-ийн пакеттай” хоолыг хээвнэг идэж байгаа нь нотолсон юм. Түүний фен хүүхдүүд хоолыг нь идүүлэлгүй зургаа хамт авахуулах хүсэлтээр “дарж”, горойход нь ундаа уухыг хүртэл санал болгоход завсар зайгаар нь хоолоо амтархан идэж байгаад бидэнд ийнхүү “баригдлаа”.