Елена Исинбаева охинтой болжээ

Тулгууртай харайлтын ОХУ-ын тамирчин Елена Исинбаева охинтой болжээ. Исинбаева энэ сарын 28-нд Монако хотод гурван кг, 820 грам охин төрүүлсэн талаар www.vesti.ru сайт мэдээлжээ. Түүний найз залуу ОХУ-ын жад шидэлтийн тамирчин Никита Петинов юм.

Өдгөө 32 настай ОХУ-ын нэрт тамирчин Елена Исинбаева өнгөрсөн онд Москва хотноо болсон дэлхийн аварга шалгаруулах тэмцээнд оролцсоны дараа зодог тайлсан юм.

Исинбаева өнгөрсөн оны төгсгөлд Хөнгөн атлетикийн олон улсын хөнгөн атлетикийн холбооны (IAAF) хөнгөн атлетикт гайхамшигтай карьер хийсэн шагналыг хүртсэн.

ОХУ-ын Гавьяат тамирчин Елена Исинбаева 15 жилийнхээ карьерт олимпийн хоёр алт (2004, 2008), нэг хүрэл (2012), дэлхийн аваргын гурван алт (2005, 2007 ба 2013), заалны дэлхийн аваргын дөрвөн алт (2004, 2006, 2008, 2012), тивийн аваргын алт (2006) зэрэг олон шагнал авчээ. Тэрээр өөрийн төрөлд дэлхийн дээд амжилтыг 28 удаа шинэчилсэн байна.