Засгаас явах дараагийн хүн Б.Батзаяа юу

Зам тээврийн яамны төрийн нарийн бичгийн дарга Б.Батзаяаг огцруулах төлөвлөгөө эхэлсэн хэмээн зарим хэвлэлээр бичих болсон. Түүнийг ажлаа хийж чадахгүй, УИХ дээр дуудахад нь ирдэггүй гээд том толгойтон гээд хочилчихлоо. Ерөнхий сайд бүр “алжаа хийж чадахгүй бол зайгаа тавьж өг” хэмээн бангадсан. Эхний хэдэн алдааг нь ойлгоод цалингийн торгуул төлөөд байхад нь байнгын хорооны хуралдаан ирэхгүй, цаг хоцрох гээд байнга л чихнээсээ хонх уяуулсаар өдийг хүрсэн.

Эсвэл  МоАХ-ны гишүүн учраас түүнд Ерөнхий сайд анхаарал их тавьдаг юм болов уу. Б.Батзаяагаа бусад төрийн нарийнууд, дэд сайдууд, тамгын газрын дарга нар ажлаа сайн хийдэг болохоор олны анхааралд өртдөггүй байж болох юм. Ямартай ч сүүлийн үед Засгийн газраас явах дараагийн хүн нь Б.Батзаяа хэмээх болсон. Фракцийнхаа даргыг дагаад, эсвэл дагуулаад түүнийг явуулчихвал дараагийн төрийн нарийн бичгийн даргаар очих “тулаан” эхлэх биз ээ.