Заал зохион байгуулагч

З.Энхболд УИХ-ыг удирдаад хоёр жил гаруй хугацаа өнгөрч байна. Энэ хугацаанд ирцээ бүрдүүлж чаддаггүй, танхимын нөхдөө "хүмүүжүүлж" чаддаггүй хэмээн цоллуулж байсан бол энэ удаад заал зохион байгуулагч гэсэн нэгэн цолтой болов. Түүнийг УИХ-ын гишүүн С.Ганбаатар ингэж нэрлэсэн юм. Тэрээр хэлэхдээ, хоёр долоо хоногийн өмнө Монголбанкны ерөнхийлөгч Н.Золжаргалд хариуцлага тооцох асуудлыг өргөн барьсан бөгөөд үүнд нь УИХ-ын дарга хариу өгчээ. УИХ-ын 76 гишүүн эрх тэгш эрхтэй байдаг. Монголбанкны ерөнхийлөгчийг огцруулах асуудлыг УИХ-ын дарга санаачилна гэсэн нь хариу илгээжээ.

Тиймээс УИХ-ын 76 гишүүн тэгш эрхтэй байх ёстой. УИХ-ын дарга бол заал зохион байгуулагч, 76 гишүүний спикер байх ёстой хэмээн бухимдаж байгаагаа илэрхийлэв. Заал зохион байгуулагч байтал бусад гишүүдээсээ давуу эрхтэй байж боломгүй хэмээн шүүмжилж, УИХ-ын даргыг  шинэ "гуншин"-тай болгов.