Монголчууд хог хаяхаа больжээ

Энэ амралтын өдрүүдээр олон улсын хүүхдийн баяр тохиолдож хатан Туул ч амрагчдын хөлд дарагдсан билээ. Их хотыг эмжин урсах Туул гол амрагч, аялагчдын хаясан хог, новшинд дарагдаж, арай ч дээ хэмээн иргэдийн бухимдлыг  төрүүлдэг түүх урьд өмнө нь байсан. Харин энэ удаа нийслэлчүүд тун цэвэрхэн аялжээ. Монголчууд хаана ихээр цуглана, тэр газар хогоор дүүрдэг гэж ярьдаг байсан цаг ард үлджээ.

Хүүхдийн баярын маргааш нь Туул гол дээр нүдэнд торох хог новш огт таарсангүй. Монголчууд нэгэн үеэ бодвол ухамсартай болжээ.  Амарч зугаалахдаа тарьсан хогоо уутанд хийгээд аваад явдаг болж, Туул голыг хогийн сав мэт үздэг сэтгэхүй байхаа больж.  Харин  Улаанбаатар хот орох замд тортой, шуудайтай хогийг замын хажууд тавьсан  харагдсан байсан ч хогийн сав огт таарсангүй.  Уг нь Туул голыг зоригсдод зориулсан  хэдэн хогийн савтай болчихвол ч.