Амбий хаачив?

Чапаев Петка хоёр гэдэг шиг холбоо үг шиг болтлоо олонд танигдсан Амбий Боёо гэх жүжигчдийн нэг нь ойрд хошин урлагийн тайзнаа огтхон ч  харагдаагүй. Тэр бол Амбий буюу жүжигчин Ц.Батхуяг.  Нээрээ энэ нөхөр чинь хаачив, яагаад тайзан дээрээ гарахаа больчихов хэмээх таамаглалыг төрүүлээд байсан жүжигчин маань ажлаа хийгээд л явж буй тухайгаа саяхан дуугарлаа. Тэрээр “Өнгөрөгч хугацаанд миний хувьд нэлээд ачаалалтай л жил байлаа. Бүрэн хэмжээний гурван ч уран сайхны кинонд тоглолоо. Ихэвчлэн хөдөөгүүр кино зурганд их явлаа. Удахгүй хэдэн, хэдэн уран бүтээл маань дэлгэцэнд гарч үзэгчдийн хүртээл болох гэж байна. Тэр үед л хийсэн зүйл хэлэх үгтэйгээр үзэгчидтэйгээ уулзъя гэж бодож байна даа” гэсэн юм.

Жүжигчин маань ийнхүү сураггүй байх хугацаандаа UBS телевизийн “Со­дура”, гавьяат жү­жигчин И.Одон­чимэгийн найруулсан “Тан­хай гэрээ” уран сайхны кинонуудад тус тус дүр бүтээж. Өмнө нь үхсэн гэж шуугиан дэгдээж байсан Амбийгийн дүр хошин шогийн тайзнаа гарахгүй байсан шалтгаан нь эдгээр бүтээлүүд бөгөөд хөдөө орон нутагт л голдуу зураг авалтанд орж байсан болоод л нүдэнд өртөхгүй яваад байж дээ.