Танхайн хэрэгтэй жүжигчин Золоо 6 сарын тэнсэн харгалзах ялаар шийтгүүллээ

Магадгүй зарим хүмүүс Золоогийн талаар хэтэрхий их бичиж байна гэж бодож болох ч яг үнэндээ ингэж олон бичигдэхээр хүмүүсийн анхаарлын төвд байна. Учир нь тэрээр дандаа энэ тэнд дуулиан шуугиан тарьж явах юм. Улсынхаа нийслэлийн томоохон цэнгүүний газруудыг дуусгасан бүсгүй юм үзэж нүд тайлахаар Хөх хотын уушийн газраар ийнхүү зочилжээ. Бас түүний талаарх шуугиан дуусаагүй саяхан “Макс” клубээр үйлчлүүлэхдээ нэлээд согтсон ажээ. Тэрээр уусан архиндаа хөлчүүрхэн нэгэн бүсгүйг найзуудын хамт бүлэглэн зодсон байна. Зодуулсан бүсгүй нэлээдгүй бэртсэн бөгөөд одоогоор Золоо 30 сая төгрөгөөр тохиролцох гээд чадаагүй. Тэгвэл саяхан шүүхийн шийдвэр гарч Золоод 6 сарын тэнсэн харгалзах ял оноолоо.