Л.Эрдэнэчимэгийн бенз хаачив?

Твиттерчдийн дунд “Mersedes Benz S 500” машин худалдан авснаа гайхуулж байсан УИХ-ын гишүүн Л.Эрдэнэчимэг Хөрөнгө орлогын мэдүүлэгтээ энэ талаар дурдсангүй юу ямар ч мэдээлэл түүний ХОМ-д алга. Бүр “Бенз Л.Эрдэнэчимэг” хочтой болоод байсан тэрээр яагаад ч юм бэ ганц ч машингүй хэмээн бүртгүүлжээ. 

Олны эчнээ танил болсон “бенз”-ийг ийнхүү байхгүй болгон бүртгүүлж байгаа нь өөр ямар ч гишүүн ямар ч танил бус хөрөнгөө нууж хаасан, өөр хүний нэр дээр байлгах боломжтой гэдгийг нь харуулаад ч байх шиг. 

Ингэхэд Хөрөнгө орлогын мэдүүлэг үнэхээр үнэн гарч байгаад эргэлзмээр. Арван жилээ ч төгсөөгүй 90 оныхны нэр дээр хэдэн тэрбумын тендер авдаг компаниуд байдаг, хэний ч мэдэхгүй нэгний дансанд өчнөөн саяын хадгаламж явж байдаг гэдэг яриа ч эд хөрөнгөгүй хэмээн бүртгүүлдэг төрийн албаныхантай холбоотой мэт. 
Бидний танил “бенз” шиг нуугдсан хэчнээн “бенз”-үүд энэ дарга нараас гарах бол доо.