Нас барсан хүний тоо 64-т хүрлээ

Өмнөд Солонгосын Инчон хотоос Чежү арлыг чиглэн далайд гарсан “Sewol” нэртэй усан онгоцонд Инчоны далайн эрэгт өнгөрсөн лхагва гарагт өглөө 09.00 цагийн үед живсэн усан онгоцноос  зорчигчдыг аврах ажиллагаа  үргэлжилсээр байна. Усан онгоцонд Ансан хотын Данвон ахлах сургуулийн 325 сурагч, 15 багш, 30 усан онгоцны ажилтан, 89 зорчигч зорчиж явсан байна. Ахлах сургуулийн сурагчид  16-17 настай хүүхдүүд байсан юм.

Аврагчид бямба гарагийн шөнө живсэн усан онгоц руу нэвтэрсэн бөгөөд амь үрэгдсэн зорчигчдын цогцсыг гаргасаар байгаа юм. Өчигдөр амиа алдагсдын тоо 56 гэж байсан бол өнөөдөр өглөө 64 хүрчээ. Аврагчид өчигдөр 32 хүний цогцсыг живсэн онгоцноос гаргаад байгаа бөгөөд сураггүй болсон 238 хүнийг үргэлжлүүлэн эрэн хайж байна.  Тэд өдгөө осолдсон онгоцонд амьд хүн байх найдлага тасарсан гэж үзэж байгаа ажээ.

Өнгөрсөн бямба гарагаас сураггүй болсон зорчигдын эцэг эх, ах дүүсээс нь ДНК-ын шинжилгээ авч эхэлжээ. Үүгээр цогцоснуудыг танихад ашиглах гэнэ.

Г.Даша