“Монгол элэглэл 2014” тоглолт ганцхан удаа

Элэглэгч Ж.Булган-Эрдэнэ, Т.Анхбаяр, Б.Нямхүү нарын хамтран байгуулсан “Пароди” хамтлаг болон, элэглэлийн мастеруудын Чапи& Суурь хамтлаг хамтран “Монгол элэглэл 2014” тоглолтыг энэ сарын 21нд Монгол бөхийн өргөөнөө хийхээр болжээ. Нийгэм улс төрийн өнөөгийн байдлыг элэглэлээр тольддог энэ эрхмүүд анх удаа хамтарч тэсрэлт хийх гэж байна. Тоглолт гээд дундуур нь дуу явуулж үзэгч та бүхнийг залхаахгүй, зөвхөн 3 цагын турш та элэглэлийн ертөнцөөр аялах болно.УИХ-ын гишүүн Э.Бат-Үүл, “Камертон” хамтлагийн дуучин Д.Болд, дуучин Ноён Бондгор, “Хип хоп” холбооны тэргүүн Баавар зэрэг олон олны танил хүмүүсийг ихэр мэт дууриах элэглэгчид маань энэ удаа цоо шинэ тоглолтыг хийхээр шургуу бэлтгэлдээ оржээ.