Хойд Америкт аюул тулгарч байна

Америкийн алдартай дархан цаазат газруудын нэг болох Шар хадны хөндий дахь (Yellowstone National Park) галт уул идэвхжисэний улмаас зэрлэг ан амьтад амь зулбаж эхэлсэн байна. Маш олон тооны бух гөрөөс буюу бизон үхрүүд, бусад ан амьтан автомашин зам дагуу бөөн бөөнөөрөө нүүдэллэж, хүн, машин тэрэгний дууг ч үл хайхран довтолгож явааг  олон блогерууд зургийг нь авч нийтэлсэн байна. Тиймээс Америкийн эрдэмтэд түгшүүр зарлаад эхэлжээ. Өнгөрсөн сарын 30-ны өдөр Шар хадны галт уул сэрж (The Yellowstone Supervolcano) 4.8 магнитуд хүчтэй газар хөдөлсөний дээр сүлийн хоёр долоо хоногийн турш тасралтгүй чичирхийлж, газар их бага хэмжээгээр шилгээх болсон тул ан амьтад зөнгөөрөө дайжиж байгааг хэвлэлүүд тэмдэглэж байна. 

Шар хадны хөндийн аварга галт уул 600 мянган жил тутамд нэг удаа шилгээдэг бөгөөд тухай бүртээ дэлхийн газрын зурагт томоохон өөрчлөлтийг оруулдаг аж.   Нийт хэмжээгээрээ Америкийн томоомхон хотуудыг өлхөн багтаах энэ галт уул дөрвөн мянган квадрат километр талбай эзэлдэг учир хэрвээ 5,1 магнитуд хүчтэй тэсрэлт болбол Лос–Анжелос хот хүртэлх орчмынхоо мянган км тойрогт бүгдийг устгах аюул заналхийлж байгаа аж. Ийм аймшигтай том тэсрэлт мэдээж дэлхийн агаар мандалд зүйрлэшгүй их өөрчлөлт оруулна. Хойд Америкийг нөмрөх ихээхэн хэмжээний үнс нурам нарны гэрлийг халхалснаар галав юүлсэн мэт мөстлөгийг авч ирэх нь дамжиггүй. Ийм хэмжээний дэлбэрэлт 600 мянган жилд нэг удаа тохиолддог бол Шар хадны галт уул хамгийн сүүлд сэрснээс хойш одоо 640 мянган жил өнгөрөөд  байгааг галт уул судлаачид тэмдэглэж байгаа ажээ.