Мисс Ё.Нямжав Д.Энхжаргалын зөвлөх болжээ

Боловсрол, биеэ авч явах чадвар гээд олон зүйлээрээ МАН-ын бүсгүйчүүдийг тэргүүлдэг гэх мисс Ё.Нямжав өнгөрсөн хоёрдугаар сард Нийгмийн Ардчилал Монголын Залуучуудын Холбооны дэд ерөнхийлөгчөөр томилогдсон бол саяхнаас бас нэгэн давхар ажил хийх болжээ. Тэрээр Социнтерний эмэгтэйчүүдийн байгууллагын Ази Номхон далайн бүсийн захирал Д.Энхжаргалын зөвлөх болсон байна. 

Д.Энхжаргал нь МАН-ыг Засгийн эрхийг барих үед томоохон алба хашиж явсан цөөхөн эмэгтэйчүүдийн нэг. Тодруулбал, Монголбанкны тэргүүн дэд ерөнхийлөгчөөр ажиллаж байлаа. Гэхдээ банкны салбарт үүссэн эрсдэлд шийдвэртэй хариу арга хэмжээ авч чадаагүй гэх үндэслэлээр 2010 онд албан тушаалаасаа чөлөөлөгдсөн ч тэр даруйдаа Лондон дахь Монголбанкны суурин төлөөлөгчөөр сууж чадсан адтай азтай бүсгүй байв.