Өрөө төлөхөөс зайлсхийж хүйс, нэрээ сольжээ

ОХУ-ын Астраханы хуулийн байгууллага 130 мянган рублийн өрөө төлөхөөс зайлсхийж хүйс, нэрээ сольсон 38 настай эмэгтэйг эрэн сурвалжилж эхэлжээ. Үүнээс гадна тэр эмэгтэй 70 мянган рублийн өрний төлөө төрийн байгууллагын ажилтан эмэгтэйд халдсан зэрэг долоон ч хэргийн төлөө буруутан болж байгаа юм байна. “Энэ эмэгтэй өрөө төлөөгүйгээс гадна, шүүхийн шийдвэрийг биелүүлээгүй, өөрийн хаяг бүхий орон байрандаа байгаагүй учраас эрэн сурвалжилж байна. Сүүлийн мэдээгээр тэрээр хүйс, нэрээ сольж Андриан гэдэг нэртэй болсон байна” хэмээн албаны мэдээлэлд дурджээ. Асрахани мужийн иргэний бүртгэлийн газрын хэвлэлийн алба ч тэр эмэгтэйг хүйсээ солиулсан учраас шинэ нэр бүхий паспорт авсан гэдгийг баталжээ.