МҮОНТ-ийн захирал Ч.Даваабаяр ажлаасаа чөлөөлөгдөөгүй

МҮОНТ-тэй холбоотой асуудлаар өчигдөр Үндэсний зөвлөл хуралдаж  “МҮОНТ-ийн нэр бүхий ажилтнууд, МҮОНТ-ийн захирал Ч.Даваабаяр нарын хооронд үүссэн ноцтой зөрчлийн шалтгааныг судалж арилгах талаар албан үүрэг, эрх мэдлийнхээ хүрээнд тодорхой арга хэмжээ авч, үр дүнг нь 2013 оны 12 дугаар сарын 2-ны дотор Үндэсний зөвлөлд мэдээлэхийг  МҮОНРТ-ийн  ерөнхий захирал (М.Наранбаатар)-т үүрэг болгосугай” гэх тогтоолыг гаргаад байгаа билээ.  Ийнхүү Үндэсний зөвлөл тогтоолоо гаргаад ээлжит бус хуралдааны товыг зарлачихаад байхад “МҮОНРТ-ийн Үндэсний зөвлөлөөс чиглэл өгсөний дагуу ерөнхий захирал М.Наранбаатар ажилчдынхаа өгсөн шаардах бичгийг нягталж үзээд Ч.Даваабаярыг үүрэгт ажлаас нь огцруулах шийдвэр гаргажээ” гэх ташаа мэдээлэл цацагдаж эхлээд байна. Түүнчлэн МҮОНТ-ийн захирал Ч.Даваабаярыг ерөнхий захирлын шийдвэрийг  хүлээж авалгүй, утсаа салган алга болсон гэх зэргээр худал мэдээлэл цацаж, олон нийтийг төөрөгдөлд оруулаад байгаа юм. Ямартай ч  МҮОНТ-ийн захирал Ч.Даваабаярыг  ажлын байрандаа, албан үүргээ гүйцэтгэж байгаа гэдгийг холбогдох эх сурвалжууд мэдэгдээд байна.

П.Эрдэнэ