“Түшиг” компанийн эзэгтэй Э.Мөнгөнцэцэгт эрүү үүсгэжээ

Саяхан монголын гоо сайхан тэр дундаа үнэртэй усны салбарт томоохон

байр суурь эзэлдэг “Түшиг”компанийн эзэгтэй Э.Мөнгөнцэцэг нэгэн үйлчлүүлэгчээ доромжилсон хэрэг гарсан билээ. Тэрбээр Улаанбаатар их дэлгүүрт байрлах “Chanel”-ийн салбараас фаундешн, уруулын будаг авахаар ороод тест асуусан бүсгүйн нүүрийг нь маажиж, элдэвээр хэлсэнийг бичлэг баримттайгаар хүргэж байсан.

 Тэгвэл “Түшиг”-ийн эзний эхнэр Э.Мөнгөнцэцэгийг хийсэн үйлдлийнх нь төлөө эрүүгийн хэрэг үүсгэж, шалгаж эхэлжээ. Монголдоо нэртэй хэдэн компанийн нэг нь “Түшиг” компанийг үүсгэн байгуулагч Г.Сүхээ дэлхийд хамгийн ашигтай бизнесүүдийн нэг болох гоо сайхны бүтээгдэхүүн худалдааны салбарт хүч сорьж, Улаанбаатар хотын А зэрэглэлийн бүсэд хоёр ч том барилга сүндэрлүүлээд авсан.

 

Түүний хүү Г.Баттүшиг АНУ-д боловсрол эзэмшсэн нэгэн. Г.Сүхээ гуайн хүү бизнесээ ч өргөжүүлж, гэр бүлээ ч зохиож “Монгол Анжелина Жоли” гэгддэг Э.Мөнгөнцэцэг гэдэг бүсгүйтэй дэр нэгтгээд багагүй хугацаа өнгөрсөн юм. Баян айлын өв залгамжлагч хүүтэй гэрлэсэн энэ бүсгүй өдгөө “The Royal Diamond” үнэт эдлэлийн дэлгүүр, дэлхийн алдарт брэнд болох “Chanel”-ийн салбарыг Монголд нээн ажиллуулж байгаа билээ. Гэвч тэрбээр өөрийнхөө болон нөхрийн бизнесийн нэр хүндийг унагааж, үйлчүүлэгчээ доромжилсон нь ийнхүү шүүхийн хаалга татахад хүрчээ.

Эх сурвалж www.amjilt.com