“Ажнай”-н хүү Б.Билгүүн хэнээс ухамсрын шанаа хүртэв?

“Ажнай”-н Д.Бат-Эрдэнэ гэх нэрийг сонсоогүй, дуулаагүй хүн үгүй биз. Хөрөнгө чинээгээр дээгүүрт бичигдэх манай толгой баячуудын нэг тэрээр их хурлын гишүүн болж, улмаар Батлан Хамтгаалахын сайдын суудалд заларсан бөгөөд хөрөнгө мөнгөнийхөө хүчээр эрх мэдлийн хүрээгээ ч тэлээд авсан. Бусад бэлтэй эрхмүүдийн адилаар сайхан бүсгүйчүүдтэй нэр холбогдож явсан тэрээр хожим Г.Ганцэцэг хэмээх нугараач бүсгүйтэй дэр нэгтгэж ихэр охидын аав болсноор элдэв хайрын асуудалдаа нэг мөр цэг тавьсан гэж хэлж болно.

Энэ ноёнтны өмнөх амьдралаас үлдсэн ууган хүүг нь Б.Билгүүн гэдэг. Аавынхаа нэрийг аар саархан асуудлаар олонтоо гаргаж байсан энэ залуу бас ч үгүй хөдөлгөөнтэй, шоу цэнгээнд дуртай нэгэн. Хүлгийн сайныг унаж, хүүхний сайхантай уулзаж явсан тэрээр нэг хэсэг Халиун гэх хөөрхөн бүсгүйтэй ихэд дотно найзалж байсан. Хувийн амьдралаа олноос ихэд нууцалдаг Б.Билгүүнийг найз бүсгүйгээ харь оронд амаржуулж, аавыгаа өвөө болгоод амжсан гэдэг боловч тэрээр энэ талаарх мэдээллийг тодорхойгүй хэвээр үлдээж одоог болтол нууцалж буй.

Саяхан тэрээр хэсэг хүмүүстэй маргалдаж, гар зөрүүлсний улмаас нармайгаа нээлгээж, ааваасаа ч аваагүй “Ухамсрын шанаа”-г хөндлөнгийн хэн нэгнээс хүртсэн бололтой. Эр улсад гар зөрүүлэх явдал бишгүй л их бий. Харин “Ажнай”-н ноёнтны хүүгийн хувьд ааш аягаасаа болов уу, бусдын буруутай үйлдлийн золиос болж “шанаа” хүртэв үү гэдэг нь тодорхойгүй. Цус нөжиндөө хутгалдан байгаа түүнд энэ явдал ихийг бодогдуулсан бололтой, зургаа авч баримтжуулсан байх юм. Чухам хэн түүнд, ямар учраас “шанаа” хүртээв?