С.Наранбаатар нарын 2,27 кг хар тамхийг устгалд оруулжээ

Шүүхийн хүчин төгөл­дөр шийдвэрийн дагуу цаг­даа, прокурор, шүүхийн бай­гууллагын холбогдох алба­ныхан өчигдөр нууцын зэрэглэлтэй газарт очиж 2.27 кг хар тамхи устгалд оруулав. Энэ үеэр Баянзүрх дүүр­­гийн Шүүхийн шүүгч О.Энхтуяа “Энэ оны нэг­дүгээр сард С.Наранбаатар нарын есөн хүнд холбогдсон хар там­хины холбоотой хэргийн тогтоол хүчин төгөлдөр болсны улмаас эд мөрийн баримтыг нь уст­галд орууллаа. Уг ажил­лагаанд Баянзүрх дүүр­гийн ерөнхий шүүгчийн захи­рамжаар зургаан хүний бүрэлдэхүүнтэй комисс то­милогдон ажиллалаа.

Бид Эрүүгийн байцаан шийтгэх хуулийн 88 дугаар зүйлийн 88.1.3-т зааснаар тогтоол хүчин төгөлдөр болмогц устгалыг хийдэг” гэлээ.

Уг хэрэг нь 2010-2011 оны хоо­ронд үйл ажил­лаагаагаа явуулдаг байсан хар тамхины бүлэг хэ­мээх С.Наранбаатар нарт холбогдох хэрэг билээ.

Тэд Диат­сиатилморфин буюу героин нэртэй уг хар тамхийг хилээр оруулж улмаар БНХАУ-ын Бээжин хотоор дамжин Гуанжу му­жид тээ­вэрлэхийг зав­дах үедээ баригдсан юм.

С.Наран­баатар нар гурван шатны шүүхээр орсон ч чанга дэг­лэмтэй хорих ангид 10-15 жилийн ял эдлэхээр болсон билээ.