Оддын хувцасыг урлагч дизайнер Ууганаа

Сүүлийн үед манай урлаг соёлын одод болон олны танил эрхмүүд ганган чамин гэхээсээ илүүтэй, хээнцэр дэгжин, дахин давтагдашгүй загвартай хувцасыг сонгох болжээ. Манайд энэхүү загваруудыг урладаг,алтан гартай Ууганцэцэг хэмээн дизайннер бүсгүй ихэд эрэлттэй болоод байна. Тэрээр төрийн дээд өндөрлөгөөс эхлээд, урлаг соёл, улс төрийн эрхмүүдийн эхнэрүүдийн тансаг гоёог тэрээр урласаар байна. Хамгийн сүүлд гэхэд ерөнхий сайдын охины хуримын даашинз, жүжигчин Ундармаа, зохиолч Шүүдэрцэцэг нарын плате болон их хотын ганган дэгжин бүсгүйчүүдийн бүхий л гоёлыг Ууганаа бүсгүй урлаж байна. Түүнчлэн саяхан нээлтээ хийсэн “Single lady” киноны хувцасыг дизайнер бүсгүй урласан бөгөөд үзэгчдээс маш өнгөлөг, дэгжин загварын хувцаснууд байна гэсэн дүгнэлтийг авсан юм. Хурим найрын улирал ид эхэлсэн энэ үед “Хайрын хурим” салон тэр тусмаа Ууганаагаар дахин давтагдашгүй загварын даашинзуудыг урлуулах гэсэн бүсгүйчүүд урт дараалал үүсгээд байна.