“Централ тауэр”-ийн хогийн савнаас тэсрэх бөмбөгийг олжээ

УИХ-ын ээлжит бус чуулган нээлтээ хийсэнтэй зэрэгцэн өнөөдөр өглөө “Гал үндэстэн” холбооныхон хоёр удаа буун дуу гаргасан. Гэхдээ үүнийгээ Төрийн ордны хамгаалагчдаас болсон. Бид зүгээр жагсах гэж байсан гэж ярьж буй. Цагдаагийн бие бүрэлдэхүүн АКА, Макаров гар буу, хоёр тэсрэг бөмбөг зэргийг илрүүлсэн байна. Мөн зохион байгуулсан гэх есөн хүнийг баривчилсан байна. Эл хэрэг намжаагүй байхад БОНХЯ болон Централ тауэр орчим бөмбөг байрлуулсан гэх мэдээлэл ирсний дагуу Нийслэлийн онцгой байдлын газар, Цагдаагийн ерөнхий газар, Тагнуулын ерөнхий газрын бие бүрэлдэхүүн ирсэн ажиллаж Централ тауэр-ийн хогийн савнаас гар аргаар боловсруулсан тэсрэх бөмбөгийг хогийн савнаас олжээ.

Одоогоор БОНХЯ болон ойр орчимд байрлалтай дөрвөн яам, Татварын ерөнхий газар, Тод тауэр зэрэг байгууллагын ажилтнуудыг барилгаас гаргаад байгаа юм. Үүсээд буй нөхцөл байдалтай холбоотойгоор Тагнуулын ерөнхий газраас мэдээлэл хийхээр болсон байна. Хэргийн газарт ажиллаж буй тагнуулын албаныхнаас мэдээлэл цуглуулж, нэгтгэсний дараа тус газраас олон нийтэд тайлбар өгөх гэнэ.