“Т-АRA”-гийн фенүүд “найзууд”-ын хямдрал эдлэхээр боллоо

Дэлхийд нэрээ гаргасан солонгосын Т-ARA болон “Davichi”, “Speed”, “Seeya” хамтлагууд энэ сарын 21-нд 17 цагаас ганцхан удаа Төв цэнгэлдэхэд тоглолтоо хийж, Монголын хүүхэд, залуусыг баярлуулах гэж байгаа баярын мэдээ аваад удаагүй байхад зохион байгуулагч ETV телевизийн зүгээс “найзууд”-ын хямдрал үзүүлэхээр болсноо дуулгалаа.

Тодруулбал 35 000 төгрөгийн билетээс гурван найз болон түүнээс дээш тооны фенүүд нь хамтарч авбал 30 хувийн хямдрал үзүүлэхээр болсон байна. Билетээ 35 000 төгрөгөөр авах байсан бол өдгөө гурван найзын нэг нь л гэхэд 10 500 төгрөг, гурвуулаа 31 500 төгрөг хэмнэх аж. Тэгэхээр гурван найз гурвуулаа 30 хувийн хямдрал эдлээд дахин нэг билетийн үнэ бараг л босгох юм уу хэмнэчих юм байна шүү дээ.

Бүр анги хамт олноороо 35 000 төгрөгийн билет захиалсан тохиолдолд түүнээс ч ихийг хэмнэж, нэг үдшийг дуу хууртай, насандаа мартахааргүй хөгжилдөн өнгөрөөх боломжийг атгах юм байна. Тиймээс хичээлийн шинэ жилээ угтаад удаагүй байгаа хүүхэд, залуус аа дэлхийд танигдсан “Т-АRA”-г дэргэдээс нь үзэх боломжийг “найзууд”-ын 30 хувийн хямдралаар атгаарай.