“Дэлхийн мисс 2013” Бали арал дээр болж байна

Дэлхийн мисс шалгаруулах 63 дахь удаагийн уралдаан энэ сарын 28-нд Индонези улсын Бали арал дээр болохоор боллоо. Дэлхий нийтийн  эв санааны нэгдэл, хүмүүнлэг үйлсийг алдаршуулах, цаашлаад дэлхий дахины гоо бүсгүйг шалгаруулах уг тэмцээн Индонез улсын Жакарта хотод болох байсан. Гэвч тус хотод “Дэлхийн мисс”-ийн тэмцээнийг мусульман шашинтнууд эсэргүүцэн, жагсаал хийсэн байна. Тиймээс тус тэмцээн Бали арал дээр болж байна. 

Тэмцээний эцсийн шалгаруулалт энэ сарын 28-нд болж, “Дэлхийн мисс 2013” тэмцээний тэргүүн мисс тодорно. 

131 орны гоо бүсгүй өрсөлдөж буй тус наадамд Монгол Улсыг төлөөлж, 22 настай С.Пагмадулам оролцож буй. С.Пагмадулам нь 2011 онд болсон “Miss toursm international”-д Монголыг төлөөлөн оролцож, шилдэг 15-д багтсанаас гадна, “Авьяаслаг мисс” болж байсан юм.