11 настай хүү, есөн настай охин хоёрын хурим шуугиан дэгдээв

Интернетээр Египетийн Эль-Мансур хотоос холгүйхэн орших нэгэн тосгонд болсон нэгэн үйл явдлын бичлэг цацагджээ. Энэ бичлэг юугаараа шуугиан тарьсныг одоо өгүүлье. Бичлэгийг 11 настай хүү болон есөн настай охин хоёрын хуримын ёслолын үеэр хийсэн байв. Тиймээс л энэ бичлэг томоос том шуугиан дэгдээж, олны дургүйцлийг төрүүлжээ. “MIGNews.ru” сайт болон барууны эх сурвалжуудын мэдээллээр бол тавдугаар ангийн сурагч Омар болон түүний найз охин нарын хурим наймдугаар сарын сүүлээр болсон гэнэ. Бичлэг дээр залуу эр нөхөр смокинг, харин сүйт бүсгүй гоёмсог даашинз өмсчихсөн хуримын бүжиг бүжиж байв. Түүнээс гадна насанд хүрээгүй хосын эцэг эх хуримын ёслолд идэвхтэй нь аргагүй оролцож байсан байна. Египетийн хуулиар бол 18 нас хүрсэн эрэгтэй, эмэгтэй хүмүүс л гэрлэх ёстой аж. Интернэт хэрэглэгчид бичлэгийг үзээд өөрийн бухимдаж байгаагаа илэрхийлцгээгээд, нийслэлээс нь 100-хан километрийн зайд дундад зууны үеийн ес зүй ноёрхож байгааг шүүмжилжээ.