О.Магнайгийн асуудлаар гомдол гаргана

Шударга өрсөлдөөн, хэрэглэгчийн төлөө газрын дарга О.Магнайг хууль зөрчсөн хэмээн үзэж, Төрийн албаны зөвлөлд гомдол гаргахаар болжээ. 

Дээрх гомдлыг МАН-ын “Шинэчилье” хорооны гишүүн Т.Сайнжаргал гаргаад байгаа аж. Тэрээр Шударга өрсөлдөөн, хэрэглэгчийн төлөө газрын дарга О.Магнайд хариуцлага тооцох ёстой гэх гомдлоо өнөөдөр Төрийн албаны зөвлөлд хүргүүлэх юм байна. 

Шударга өрсөлдөөн, хэрэглэгчийн төлөө газрын дарга О.Магнай "Такси компаниуд алдагдалтай ажиллаж байгаа учраас эхний 1 км-ыг 1500, дараагийн км-ийг 1000 төгрөгөөр тооцон, үйлчилгээ үзүүлэх шаардлагатай байна" хэмээн мэдэгдсэн нь олон нийтийн зүгээс шүүмжлэл дагуулж, өчигдөрхөн тэрээр буруу шийдвэр гаргаснаа өрөө хүлээн зөвшөөрч, олон нийтээс уучлал гуйсан юм. 

Харин МАН-ын залуусын хувьд О.Магнайд албан ёсоор хариуцлага тооцох шалтгаан бий гэж үзэж байгаа бололтой.