Дуучин Ану удган болжээ

Дуучин Ану өөрийгөө сахиусан тэнгэртэй зүйрлэдэг аж. Тиймээс ч тэрбээр өөрийгөө төгс болгохын тулд хичээдэг гэнэ. “Төгс төгөлдөр гэдэг их ойрхон байдаг”, “Би бүх зүйлд түрүүлж алхдаг болохоор хаяа ч гэсэн хөтлөгдөхийг хүсдэг” гэх зэргээр хэвлэл мэдээллийн хэрэгсэлд өгсөн ярилцлагадаа төгс болохыг хичээж байгаагаа байнга хэлдэг.Түүгээр ч үл барам өөрийгөө сахиусан тэнгэрийн дүрээр зуруулж, Уранхолбоо гэх жинхэнэ нэрээ монгол бичгийн уран бичлэгээр бичүүлсэн нь ч далавчтай сахиусан тэнгэр шиг харагдаж байх юм. Тэнгэрийн илч болохийг хүсдэг хатагтай маань энэ удаа жинхэнээсээ тэнгэрийн хүн болох гэж байгаа бололтой. Учир нь тэрээр бөө болж байгаа гэнэ шүү. Онгод тэнгэрээ аваад удаагүй байгаа бүсгүй,нялх үрээ асрах,халамжит гэргийн үүргийг гүйцэтгэх, сахиусаа авах гээд тун завгүй байгаа бололтой.