Ундрал эрч хүчтэйгээр эргэн ирлээ

"Hero Entertainment”-ын найруулагч Б.Баатарыг Монголын рок поп, кино урлагийнхан төдийгүй хүмүүс андахгүй. Түүний хийсэн уран бүтээл, кино, клип бүгд л олны таашаалд нийцдэг. Авьяаслаг найруулагчийн гэргий нь жүжигчин, хөтлөгч Ч.Ундрал. Хоёулаа Жи энтертаймент-д ажиллаж байгаад тусдаа гарч студи байгуулан уран бүтээлээ туурвих болсон. Түүнийг ийнхүү амжилтад хүрэхэд сэргэлэн гэргий нь тусалж, түшиг тулгуур нь болсон гэдэг юм билээ. Харин сүүлийн үед авьяаслаг найруулагчийг Монгол тулгатны 100 эрхэм нэвтрүүлгийг хөтөлж байгаа П.Анужинтай жиг ургуулж гэргийгээсээ тусдаа амьдрах болсон гэсэн мэдээлэл цацагдаж энэ яриа ч үнэний ортой болохыг нотолж Ундрал хүүгээ аван алс холын Америкийг зорьсон. Тэр цагаас хойш хоёр жил гарангын хугацаа өнгөрч ,Ундрал эх орондоо иржээ. Тэрээр энэ удаа бүр мөсөн ирсэн бололтой. Ямартай ч эх орондоо ирээд удаагүй байгаа бүсгүй ,удахгүй урьдын гялалзсан Ундрал болох биз ээ.Түүнчлэн тэрээр UBS телевиздээ эргэн оржээ.