“Сэрүүн хасын нууц” нэг тоглохын учир

Үзэгчдийн дунд хүлээлт үүсгээд байсан Х Түц-ийн “Сэрүүн хасын нууц” жүжиг тоглогдож, үзсэн харсан хүн болгон амнаас ам дамжин сайхан бүтээл хэмээн шагшицгаах боллоо. Ойрын хэдэн жилд  тавигдаагүй даацтай эмгэнэлт бүтээлээрээ Х Түц-ийнхэн ёстой л үзэгчдийн цангааг тайлах шиг болж байна. Бас залуучууд хосоороо, найз нөхдөөрөө Соёлын төв өргөөг зорих нь ихэсжээ. Харин үзэгчдийн дунд эрэлт хэрэгцээ их байгаа болохоор зарим нэг билет хүрэлцээгүй үзэгчид нэг өдөрт хоёр тогловол яасан юм бэ гэсэн саналыг их тавиад байна.  Харин энэ саналыг жүжгийн найруулагч продюссер нар эрс эсэргүүцсэн байна. Сэрүүн хасын нууц жүжиг хэт хүнд эмгэнэлт драм учир жүжигчдийн сэтгэл зүй дийлэхгүй хэмээжээ.