МОНГОЛЫН КИНОЧИД ЦЭЦЭРЛЭГТ ХҮРЭЭЛЭНТЭЙ БОЛЛОО

Монголын кино урлагийн зөвлөлөөс тавдугаар сарын нэгний өдрийг "Монголын киночдын" өдөр болгон хоёр дахь жилдээ тэмдэглэн өнгөрүүлсэн. Анхны кино, анхны кино театрын үүд нээгдсэн тэр цагаас хойш монголын кино урлаг 78 жилийг ардаа үджээ. Тиймээс уран бүтээлчид уг баярын өдрөө жил ирэх тусам өргөжүүлсээр байгаа билээ.

Энэ жилийн баярын нэгэн онцлог нь Үндэсний цэцэрлэгт хүрээлэнд "Монголын киночдын цэцэрлэгт" хүрээлэнтэй болсон юм. Өчигдөр нээлтээ хийсэн цэцэрлэгт хүрээлэнгийн нээлтэд Монголын кино урлагийн зөвлөлийн дарга Д.Нямдорж, Үндэсний цэцэрлэгт хүрээлэнгийн дарга Б.Саранчимэг болон киноны ахмад, дунд болон залуу үеийн уран бүтээлчид оролцож, мод тарьцгаалаа. Цаашдаа олон мод тарьж, ногоон төгөл болгон, шинэ кино, уран бүтээлээ уг цэцэрлэгт хүрээлэнгээс эхэлдэг уламжлалтай болох юм.