C1 телевизийн студи шатжээ

С1 телевизийн студид өнөөдөр өглөө 09.00 цагийн орчимд гал гарчээ. Онцгой байдлын алба хаагчид шуурхай ажиллаж, галыг унтрааж аюулгүй болгосон байна. Одоогоор галын шалтгаан тодорхойгүй байна.

Албан бус эх сурвалжийн мэдээллээр телевизийн хоёрдугаар студид шинэчлэл хийхээр шинээр тоног төхөөрөмж авчраад байсан бөгөөд студид засварын ажил хийж байсан гагнуурчид гал алдсаны улмаас гал гарсан байна. Телевизийн төв байр руу гал алдаагүй гэнэ. Студийн хана, дээвэр шатамхай материалаар хийгдсэн тул бүхэлдээ шатжээ.