Ц.Мянганбаяр дампуурчээ

 Монгол Улсын Засгийн газар, МҮХАТ-тай хамтран зохион байгуулдаг “ТОП 150” аж ахуйн нэгжийн шалгаруулалт болж өндөрлөлөө. Үндэсний хэмжээнд бүү хэл дэлхийн хэмжээнд яригдах “Оюутолгой”-гоос эхлээд олны танил “Эм Си Эс”, “Петровис” гэх мэт чамгүй олон компаниуд энэхүү хүндтэй байр суурийг эзэлсэн нь харагдана. Түүнчлэн тэр бүрий олны танил болоогүй, чухам юу хийдэг эсэхийг нь ч мэдэхгүй компаниудын нэрс ч харагдана. Арга ч үгүй биз дээ, цөөн хүн амтай зах зээл бага улс орноос 150 аж ахуйн нэгж шалгаруулна гэдэг амаргүй л байх. Нэг сонирхол татсан зүйл гэвэл алтны магнат хэмээн нэрлэгдэх болсон Ц.Мянганбаярын “Монгол газар” байхгүй байна лээ.

   Энэ компани байхгүй байна гэхээр шалгуур нь тийм өндөр болчихов уу, эсвэл “Монгол газар” дампуурчихав уу гэдэг асуудал зүй ёсоор гарч ирнэ. Монголдоо алтны нөөцөөрөө тэргүүлэх “Олон-Овоот”-ын лицензийг эзэмшдэг байсан энэ Ц.Мянганбаяр  гэх эрхэм нэгэн цагт алтны орд газрыг “Анод” банкинд тавьж, 60 тэрбум төгрөг зээлж байв. Тиймээс “Анод”-ын дампуурахад тэрбээр ихээхэн үүрэг гүйцэтгэсэн гэдэг. Арга ядсан болов уу яасан юм, “Олон-Овоот”-ынхоо лицензийг өөр хүнд шилжүүлж банкинд төлөх ёстой 200 тэрбум төгрөгийнхөө өрийг даруулж байгаа тухай хэвлэлээр шуугиж байсан. Монголын сайхан бүсгүйчүүдийг оймс шигээ сольдог энэ эрхмийн компани банкны өрөнд дарагдаад алга болов уу. 

   

Эсвэл дампуурсан уу хэмээсэн таамаг гадуур тэнүүчлэх боллоо. Магадгүй, МХАҮТ-ын тэргүүн Д.Дэмбэрэлтэйгээ хэл амаа ололцохоо больсон байхыг ч үгүйсгэхгүй. Тэр ч бүү хэл баттай бус эх сурвалжийн хэлж байгаагаар бол гадаадын банкинд ч их хэмжээний өртэй байж магадгүй хэмээсэн. Хэрвээ тэгвэл гүрэн дамжсан их өрөнд орсон Ц.Мянганбаяр эзэмшиж буй орд газруудын лиценз, объектоо барьцаанд тавьж, үйл ажиллагаагаа зогсоосон байж болзошгүй аж. Юутай ч “ТОП-150”-д бүү хэл багтах учиртай “Монгол газар” компани энэ удаад 150 аж ахуйн нэгжид сураггүй байгаа нь түүнийг дампуурсан гэх эцсийн дүгнэлтэд хүргээд байна.